Avís legau
Titolaritat
En compliment de çò que establís era Lei 34/2002, d’11 de junhsèga, de servicis dera societat dera informacion e deth comèrç electronic, s’informe qu’era entitat titulara d’aguesta pagina web ei eth Grop Parlamentari Amassa per Òc, damb sedença en Barcelona (08003), Parc de la Ciutadella, s/n, damb CIF num. V66639568, telefòn 937063258, e adreça electronica: [email protected]
Condicions d’usatge dera pagina web
Per mejan dera acceptacion d’aguestes condicions d’usatge, es persones usatgères se comprometen a utilizar aguesta pagina web e es servicis aufridi, de forma licita, d’acòrd damb çò que se dispòse en aguestes clauses, e de sòrta que non produsisquen un tòrt enes drets o interèssi de tresaus persones o que poguen damatjar o produsir un usatge anormau dera pagina web o des servicis rendudi per era.
Aguesta pagina web e toti es sòns contenguts –includidi es tèxtes, es imatges, eth son e quinsevolhe aute materiau– son proprietat deth Grop Parlamentari Amassa per Òc, se non s’indique çò contrari.
Toti es drets son reservadi. Tot accès ad aguesta pagina web ei subjècta as condicions següentes:
Er accès e er usatge dera pagina web son liures e gratuïts. Totun, eth Grop Parlamentari Amassa per Òc se resèrve era possibilitat de restrénher-ne determinades seccions entàs finalitats qu’estime oportunes.
Era totalitat dera informacion fornida per usatgèr o usatgèra per mejan d’aguesta pagina web deurà èster cèrta, de sòrta qu’era persona usatgèra garantirà era autenticitat des donades qu’age comunicat ath Grop Parlamentari Amassa per Òc per mejan des formularis d’aguesta pagina web. Er usatgèr o usatgèra se responsabilize de mantier era informacion fornida permanentaments actualizada, de sòrta que se correspone a cada moment damb era sua situacion presenta. Coma que ne vire, er usatgèr o usatgèra serà era unica persona responsabla dera informacion inexacta o faussa qu’age fornit, atau coma deth perjudici qu’aguesta informacion entraïne ath Grop Parlamentari Amassa per Òc o a tresaus.
Er usatgèr o usatgèra se compromet a hèr un usatge adaptat dera pagina web, damb totau subjeccion ara lei e as bons costums, e a mantier eth respècte degut as auti usatgèrs e usatgères.
Demore proïbit quinsevolhe usatge comerciau dera pagina web.
Er usatgèr o usatgèra s’obligue a non utilizar cap des documents, imatges e informacions contengudes en aguesta pagina web damb finalitats illicites, exprèssaments proïbides en aguestes condicions d’usatge e/o contràries as drets e interèssi deth Grop Parlamentari Amassa per Òc, de bèth un des sòns membres e/o tresaus, e i arresponerà en cas d’non acomplir aguesta obligacion.
Er usatgèr o usatgèra se compromet a non mauméter, inutilizar, subrecargar, deteriorar o empedir era utilizacion normau des materiaus e informacions contengudes en aguesta pagina web ne des sistèmes d’informacion o es documents, fichièrs e quinsevolhe contengut emmagazinat en quinsevolhe equipa informatica deth Grop Parlamentari Amassa per Òc, des sòns membres o de quinsevolhe usatgèr o usatgèra dera pagina web.
Demore proïbida era modificacion e/o explotacion dera pagina e es sòns contenguts.
Eth Grop Parlamentari Amassa per Òc non garantís qu’era pagina web e eth servidor siguen liures de virus e non se hè responsable des damatges causadi per accès ara pagina web o pera impossibilitat d’accedir-i.
Condicions de registre d’usatgèr
Damb caractèr generau, entar accès as contenguts dera pagina web non ei de besonh un registre d’usatgèr. Maugrat açò, era utilizacion de determinadi servicis ei condicionada ath registre prealable d’usatgèr.
Es donades introdusides per usatgèr, deueràn èster exactes, actuaus e vertadères en tot moment. En cas contrari, se considerarà ua contravencion des presentes condicions e d’açò ne poderà resultar er acabament immediat deth compde d’usatgèr.
Er usatgèr enregistrat serà responsable en tot moment dera susvelhança deth sòn senhal, en tot assumir en conseqüéncia quinsevolhe damatge e perjudici que podesse derivar-se deth sòn usatge indegut, atau coma dera cession, revelacion o pèrta dera madeisha. Ad aguesti efèctes, er accès en airaus restrenhudi e/o er usatge des servicis e contenguts realizadi per mejan deth senhal d’un usatgèr enregistrat se reputaràn realizadi per aguest usatgèr enregistrat, eth quau arresponerà en tot cas d’aguest accès e usatge.
Eth titular dera pagina web se resèrve eth dret d’anullar eth compde d’aqueri usatgèrs que hèsquen un usatge inadeqüat dera madeisha o non respècten es observacions e proïbicions previstes per aguestes condicions.
Exclusion de responsabilitat
Eth Grop Parlamentari Amassa per Òc non se responsabilize des damatges e perjudicis que pogue entraïnar era manca d’exactitud, autenticitat, exaustivitat e actualitat dera informacion contenguda en aguesta pagina web, ne des damatges causadi per quinsevolhe error o omission en qué pogue encórrer tant era informacion e manifestacions publicades en aguesta pagina web coma era informacion obtenguda a trauès de ligams a sistèmes extèrns as quaus se pogue accedir.
Eth Grop Parlamentari Amassa per Òc non assumís cap déuer o compromís de verificar ne de susvelhar es contenguts e/o informacions des pagines web as quaus s’accedisque per mejan de links o ligams a sistèmes e pagines extèrnes.
Eth Grop Parlamentari Amassa per Òc non garantís era disponibilitat, continuïtat ne era infalhibilitat deth foncionament dera pagina web e, donques, excludís, laguens deth quadre legau en vigor, quinsevolhe responsabilitat pes damatges e perjudicis causadi pera fauta de disponibilitat o de continuïtat deth foncionament dera pagina web e des sòns servicis abilitadi, atau coma pes dificultats en accès as diferentes pagines web o ad aqueres que, en sòn cas, se renden determinadi servicis.
Eth Grop Parlamentari Amassa per Òc non garantís qu’era pagina web e eth servidor siguen liures de virus o auti elements damnatjosi que podessen mauméter o produsir alteracions en sistèma informatic, enes documents electronics o enes fichèrs der usatgèr o usatgèra enviadi a tresaus. Per açò, decline tota responsabilitat pes damatges informatics o d’auta sòrta causadi per accès ath web o pera impossibilitat d’accedir-i.
Comentaris
Es persones usatgères dera pagina web poderàn hèr comentaris as notícies e contenguts publicadi, dirèctaments dempús des hilats sociaus Facebook e Twitter. Toti es comentaris per arrepòrt a quinsevolhe informacion apareishuda ena pagina web son unicaments e exclusivaments responsabilitat des persones usatgères que les realizen, e en cap cas seràn responsabilitat deth Grop Parlamentari Amassa per Òc.
Eth Grop Parlamentari Amassa per Òc non soscriu es contenguts o es opinions des comentaris realizades pes persones usatgères dera pagina web, e donques, eth Grop Parlamentari Amassa per Òc demore excludit, exprèssaments, de quinsevolhe sòrta de responsabilitat en relacion damb aguesti comentaris.
Contenguts
Es persones usatgères dera pagina web poderàn enviar contenguts. Er usatgèr o usatgèra compren que, damb independéncia qu’aguesti contenguts siguen publicadi, eth Grop Parlamentari Amassa per Òc non garantís cap sòrta de confidencialitat per arrepòrt ad aguesti contenguts.
Er usatgèr o usatgèra qu’age enviat contenguts ara pagina web contunharà d’èster eth titular des drets per arrepòrt ath sòn contengut, se ben autrege bèri drets de licéncia limitada en favor deth Grop Parlamentari Amassa per Òc. En moment de cargar o publicar contenguts ena pagina web, er usatgèr o usatgèra autrege en favor deth Grop Parlamentari Amassa per Òc ua licéncia mondiau, non exclusiua, exempta de royaltis e transferible (damb dret de subiicéncia) entà utilizar, reprodusir, distribuïr, realizar òbres derivades, mostrar e executar aqueth contengut, per arrepòrt as servicis rendudi ena pagina web.
Er usatgèr o usatgèra arreconeish e accèpte èster er unic responsable deth sòn contengut e des conseqüéncies dera sua publicacion. Eth Grop Parlamentari Amassa per Òc non soscriu cap contengut ne cap opinion, recomanacion o conselh exprimit per arrepòrt ath madeish, e donques, eth Grop Parlamentari Amassa per Òc demore excludit, exprèssaments, de quinsevolhe responsabilitat en relacion damb aguest contengut.
Er usatgèr o usatgèra manifèste e garantís qu’ei titular (e qu’ac contunharà d’èster en tot que utilize es servicis rendudi pera pagina web) de totes es licéncies e toti es drets, consentiments e permisi de besonh entà perméter ath Grop Parlamentari Amassa per Òc utilizar eth sòn contengut a efèctes deth rendement deth servici e entà quinsevolhe auta finalitat d’acòrd damb era forma considerada en servici e en aguest avís legau.
Er usatgèr o usatgèra s’obligue a non publicar o cargar cap contengut o imatge qu’ahige materiau qu’era sua possession sigue illegau, o qu’era sua utilizacion sigue illegau, o qu’era utilizacion o possession contravengue era norma deth Grop Parlamentari Amassa per Òc.
Er usatgèr o usatgèra s’obligue a qu’eth contengut fornit non ahige materiau subjècte a drets de proprietat intellectuau de tresaus o d’imatge, o materiau subjècte a auti drets de proprietat industriau de tresaus (includidi es drets d’exclusivitat o publicitat), a excepcion qu’eth titular legau d’aguesti drets age autrejat ua licéncia o autorizacion formau en favor der usatgèr o usatgèra, o aguest sigue legauments autorizat, per quinsevolhe aute mejan, entà publicar eth materiau nomentat e entà autrejar ath Grop Parlamentari Amassa per Òc era licéncia indicada en aguest apartat.
Quan eth Grop Parlamentari Amassa per Òc aurà coneishement de quinsevolhe possible incompliment deth present apartat der avís legau, se resèrve eth dret a decidir s’es contenguts fornidi complissen es requesits de contengut estipuladi e poderà eliminar aguest contengut contravenent en quinsevolhe moment, sense besonh d’avís prealable e a eleccion sua exclusivaments.
Jurisdiccion competenta
Entara resolucion de quinsevolhe ahèr, divergéncia, conflicte o problèma que se podesse suscitar sus era interpretacion, aplicacion e compliment dera presenta politica, damb renóncia exprèssa a quinsevolhe aute fòr que podesse correspóner ar usatgèr, e sense perjudici dera competéncia que ne resulte per ministèri de lei, er usatgèr se somet volontàriaments e d’ua manèra exprèssa as Jutjats e Tribunaus dera ciutat de Barcelona.
Coquins e Spam
Era pagina web utilize coquins pròpris e de tresaus (petiti fichièrs d’informacion qu’eth servidor envie ar ordenador dera persona qu’accedís ara pagina) entà amiar a tèrme determinades foncions que son considerades imprescindibles entath corrècte foncionament e visualizacion deth lòc. Es coquins utilizadi ena pagina web an, en tot cas, caractèr temporau, damb era unica finalitat de hèr mès eficaça era transmission ulteriora, e desapareishen un còp acabada era session der usatgèr.
Damb er accès ath lòc web, er usatgèr consentís er usatge de coquins en aguest lòc web, es quaus enregistren donades estadistiques anonimes pendent era navegacion, cossent damb eth Reiau decrèt lei 13/2012, de 30 de març.
Es coquins, en cap cas, fornissen per se donades de caractèr personau e non s’utilizaràn entara arrecuelhuda d’aguestes.
Per mejan der usatge des coquins ei possible qu’eth servidor, a on se tròbe era web, arreconeishe eth navegador web utilizat per usatgèr damb era tòca qu’era navegacion sigue mès simpla, e perméter, per exemple, er accès des usatgèrs que s’agen enregistrat prealablaments enes airaus, servicis, promocions o concorsi reservadi exclusiuaments ada eri sense auer d’enregistrar-se en cada visita. S’utilizen tanben entà mesurar era audiéncia e paramètres deth transit, controtlar eth progrès e eth nombre d’entrades.
Aguesti coquins non son invasius, ne nocius, solaments informen ath sistèma dera configuracion escuelhuda per usatgèr, mès non arreconeishen automaticaments cap donada per arrepòrt ara identitat des persones que visiten eth nòste web. S’er usatgèr ac desire, pòt denegar quinsevolhe coquin dempús dera opcion adeqüada deth sòn pròpri navegador.
Er usatgèr a era possibilitat de configurar eth sòn navegador entà èster alertat en ecran dera recepcion de coquins e entà empedir-ne era installacion en disc dur. Per navegar pera nòsta pagina web non ei de besonh qu’er usatgèr permete era installacion des coquins enviadi.
Es persones usatgères pòden perméter, blocar o eliminar es coquins installadi ena sua equipa, per mejar dera configuracion des opcions deth sòn navegador. Aciu s’includissen es ligams entà gerir coquins enes navegadors mès freqüenti:
Mozilla Firefox
Google Chrome
Internet Explorer
Safari
Safari entà iOS (iPhone, iPad)
Cookies Flash
En cas de non acceptacion des coquins, ei possible qu’era pagina web o bères ues des sues foncionalitats non foncionen corrèctaments.
Non s’utilizen tecniques de spamming e unicaments se tractaràn es donades qu’er usatgèr transmete de conformitat damb çò que dispòse aguest avís legau.
Politica de confidencialitat
Confidencialitat e privacitat des donades
Eth Grop Parlamentari Amassa per Òc informe que totes es donades facilitades per mejan des formularis electronics d’aguesta pagina web e/o mejançant corrèu electronic se tractaràn damb estricta confidencialitat, cossent damb era Lei Organica 15/1999, de 13 de deseme, de Proteccion de Donades de Caractèr Personau (LOPD). Era finalitat deth tractament d’aguestes donades ei poder rénder es servicis sollicitadi e mantier es persones usatgères informades a propòs ders ahèrs en relacion as sues activitats, atau coma desvolopar accions e campanhes e informar-ne as persones usatgères. Er usatge des formularis nomentadi, atau coma er enviament d’un corrèu electronic, supòse eth consentiment der enviaire ath tractament automatizat des donades que s’i includissen.
Eth Grop Parlamentari Amassa per Òc se compromet a hèr un usatge responsable e confidenciau des donades, garantís que se tractaràn d’acòrd damb era legislacion en vigor en cada moment e que sonque s’utilizaràn damb era intencion indicada en cada cas.
Es donades sollicitades son, en cada moment, es imprescindibles per arrepòrt ar encastre e es finalitats especificades en cada cas.
Era persona usatgèra arresponerà, en tot cas, dera veracitat des donades fornides, e eth Grop Parlamentari Amassa per Òc se resèrve eth dret a excludir des servicis enregistradi tot aqueth usatgèr o usatgèra qu’age facilitat donades fausses, sense perjudici d’aqueres accions legaus que poguen èster procedentes.
Drets des persones usatgères
Segons er article 5 e 6 dera LOPD, aguestes donades haràn part d’un fichèr automatizat inscrit en Registre Generau de Proteccion de Donades dera Agéncia Espanhòla e Proteccion de Donades (AEPD). Er usatgèr o usatgèra poderà exercir eth dret d’accès, rectificacion, anullacion e oposicion des sues donades personaus enes tèrmes e condicions previstes ena LOPD, per mejan d’ua comunicacion escrita, ara quau cau estacar ua fotocòpia deth sòn DNI, adreçada ath Grop Parlamentari Amassa per Òc: a Parc de la Ciutadella, s/n, 08003 Barcelona o ben ath corrèu electronic [email protected]
Cossent damb çò que dispòse er article 24 deth Reglament dera LOPD, er usatgèr o usatgèra tanben poderà formular es sues sollicitacions d’accès, rectificacion, anullacion o oposicion en tot utilizar d’auti mejans, cada viatge qu’aguesti permeten acreditar er enviament e era recepcion dera sollicitacion, e qu’aguesta sollicitacion contengue es elements especificadi en article 25.1 deth Reglament de desvolopament dera LOPD.
Seguretat
Eth Grop Parlamentari Amassa per Òc manten es nivèus de seguretat de proteccion de donades segons eth Reglament de desvolopament dera LOPD, e a establit toti es mejans tecnics ara sua man entà evitar era pèrta, mau usatge, alteracion, accès non autorizat o panatòri des donades que se faciliten ath Grop Parlamentari Amassa per Òc, sense perjudici d’informar qu’es mesures de seguretat en Internet non son inexpugnables.
Per quinsevolhe aute subjècte en arrepòrt ara proteccion de donades de caractèr personau, podètz contactar-mos per mejan dera nòsta adreça de corrèu electronic [email protected]